لاہور(پنجاب پوسٹ) عدالت نے بینک الحبیب کی درخواست پر رانا برادرز کے رانا وسیم اور رانا عزیز وسیم کی جائیدادوں کی نیلامی کا حکم جاری کیا۔
لاہوربینک کے وکیل کے مطابق ڈیفالٹرز نے کاروباری قرض حاصل کیا اور قرض کے عوض 132 کنال پر مشتمل 3 جائیدادیں رہن رکھوائیں۔ قرض کی عدم ادائیگی پر ڈیفالٹرز کے خلاف 7 کروڑ 61 لاکھ 59 ہزار روپے کی ڈگری پہلے ہی جاری ہو چکی ہے۔
عدالتی ڈگری کے باوجود رقم کی ادائیگی نہ ہونے پر بینک نے ڈیفالٹرز کی رہن شدہ جائیدادوں کی نیلامی کی استدعا کی۔عدالت کے حکم پر کورٹ آکشنر ندیم آصف ایڈووکیٹ نے جائیدادوں کی نیلامی کا شیڈول پیش کر دیا، جس کے بعد عدالت نے 25 اگست کو نیلامی کا حکم دے دیا۔
