صوبائی وزیر محنت و افرادی قوت پنجاب محمد منشاء اللہ بٹ نے سوشل سیکیورٹی ہسپتال سیالکوٹ کا دورہ کیا اور ہسپتال کے ری ویمپنگ و امپروومنٹ منصوبے کا جائزہ لیا۔ انہوں نے ہدایت کی کہ منصوبہ 15 مئی تک ہر صورت مکمل کیا جائے۔
دورے کے موقع پر کمشنر پیسی ذوالفقار علی کھرل، رکن صوبائی اسمبلی پنجاب چوہدری فیصل اکرام اور لیبر رہنما بھی ہمراہ تھے۔
مزید پڑھیں: صوبائی وزیر صحت و آبادی خواجہ عمران نذیر کا فیصل آباد سمن آباد ہسپتال کا رات گئے دورہ
صوبائی وزیر نے واضح کیا کہ کام کے معیار اور رفتار پر کوئی سمجھوتا نہیں ہوگا۔ ان کے مطابق ری ویمپنگ کے بعد ہسپتال کی گنجائش 50 بیڈز سے بڑھا کر 100 بیڈز کر دی جائے گی۔ 141 ملین روپے کے اس منصوبے میں اسٹیٹ آف دی آرٹ ایمرجنسی وارڈ شامل ہے، جبکہ آپریشن تھیٹرز اور وارڈز کی اپ گریڈیشن بھی کی جا رہی ہے۔
محمد منشاء اللہ بٹ نے ہسپتال کے تمام حصوں کا معائنہ کیا اور مریضوں و لواحقین سے دستیاب سہولیات کے بارے میں دریافت کیا۔ اس موقع پر لیبر رہنماؤں نے ہسپتال کی ری ویمپنگ اور بیڈز میں اضافے پر صوبائی وزیر کو خراجِ تحسین پیش کیا۔
