لاہور (پنجاب پوسٹ) پنجاب ایمرجنسی سروس ریسکیو 1122 ضلع شیخوپورہ کی جانب سے تحصیل فیروزوالہ کے علاقے پٹھان کالونی اور ملحقہ متاثرہ علاقوں میں ہنگامی امدادی خدمات فراہم کی جا رہی ہیں۔
اب تک 404 افراد کا محفوظ انخلا (Evacuation) مکمل کیا جا چکا ہے، جبکہ 365 افراد کو ریسکیو بوٹس کے ذریعے ٹرانسپورٹیشن فراہم کی گئی ہے تاکہ وہ اپنی روزمرہ ضروریاتِ زندگی کی اشیاء محفوظ طریقے سے حاصل کر سکیں۔ متاثرہ افراد کی سہولت کے لیے 13 ریلیف کیمپ بھی قائم کیے گئے ہیں۔
یہ بھی پڑھیں: میٹرو بس اور اورنج لائن میں پرانے کارڈز اور ٹوکنز بند؛ نیا T-Cash سسٹم نافذ
جاری ریسکیو آپریشن میں 15 ریسکیو بوٹس، 65 ریسکیورز اور 50 ریسکیو اسکاؤٹس مسلسل امدادی سرگرمیوں میں مصروف ہیں متاثرہ علاقوں میں 24 گھنٹے ہنگامی خدمات کی فراہمی یقینی بنا رہے ہیں۔
سیفٹی میسیج ،سیلابی پانی، ندی نالوں اور زیرِ آب راستوں کو عبور کرنے سے گریز کریں، ضلعی انتظامیہ اور ریسکیو 1122 کی ہدایات پر عمل کریں اور کسی بھی ہنگامی صورتحال میں فوری طور پر 1122 پر رابطہ کریں۔
