چشتیاں(پنجاب پوسٹ) چشتیاں کے محلہ نور پورہ میں معمولی تلخ کلامی کے دوران ایک نوجوان کو چھریوں کے وار کر کے قتل کر دیا گیا۔
پولیس کے مطابق ملزم نے نوجوان کے سینے پر متعدد چھریوں کے وار کیے، جس کے نتیجے میں وہ موقع پر ہی جاں بحق ہوگیا۔
پولیس نے بتایا کہ مقتول کی شناخت رضوان بشیر کے نام سے ہوئی ہے، جبکہ لاش کو قانونی کارروائی اور پوسٹ مارٹم کے لیے تحصیل ہیڈکوارٹر ہسپتال کے مردہ خانے منتقل کر دیا گیا ہے۔
تھانہ سٹی بی ڈویژن پولیس نے کارروائی کرتے ہوئے مرکزی ملزم کو گرفتار کر لیا ہے۔
یہ بھی پڑھیں:رائیونڈ:میں خستہ حال مکان کی چھت گر گئی، فیکٹری ورکر جاں بحق، اہلخانہ زخمی
پولیس کے مطابق مقتول کے والد کی مدعیت میں مقدمہ درج کر کے مزید قانونی کارروائی کا آغاز کر دیا گیا ہے۔
