(پنجاب پوسٹ) جلال پور بھٹیاں میں عشرہ محرم الحرام کے دوران مجالس اور جلوسوں کے لیے بجلی کی بلا تعطل فراہمی کو یقینی بنانے کے لیے گیپکو حکام متحرک ہو گئے ہیں۔
گیپکو ڈویژن کے ایگزیکٹو انجینئر نے جلوسوں کے روٹس کا تفصیلی دورہ کیا اور راستوں میں آنے والی بجلی کی تاروں کو ہٹانے کے احکامات جاری کیے تاکہ جلوسوں کی روانی میں کسی قسم کی رکاوٹ نہ آئے۔
مزید پڑھیں: محرم الحرام کے پیشِ نظر پنجاب بھر میں دفعہ 144 نافذ، سات اہم پابندیوں کا اعلان
حکام کے مطابق مجالس اور محافل کے دوران بجلی کی مسلسل فراہمی کے لیے خصوصی ٹیمیں تعینات کر دی گئی ہیں، جو عشرہ محرم الحرام کے دوران ڈیوٹی کے فرائض سرانجام دیں گی۔
گیپکو ترجمان کا کہنا ہے کہ تمام تر اقدامات کا مقصد عزاداروں کو سہولیات فراہم کرنا اور محرم کے مقدس ایام میں کسی بھی ممکنہ پریشانی سے بچاؤ یقینی بنانا ہے۔
