لاہور(پنجاب پوسٹ) ڈپٹی کمشنر لاہور کیپٹن (ر) محمد علی اعجاز کی ہدایت پر سموگ اور ماحولیاتی آلودگی کا باعث بننے والی گاڑیوں کے خلاف کریک ڈاؤن جاری ہے۔ انتظامیہ کی کارروائیوں کے دوران دھواں چھوڑنے والی 21 گاڑیاں بند کر دی گئیں جبکہ خلاف ورزی پر 54 گاڑیوں کے چالان کیے گئے اور مجموعی طور پر 2 لاکھ 16 ہزار روپے جرمانہ عائد کیا گیا۔
ڈپٹی کمشنر لاہور کے مطابق شہر کو سموگ سے محفوظ رکھنے کے لیے گاڑیوں کی مسلسل سرویلینس کی جا رہی ہے۔ ٹرانسپورٹرز کو ہدایت کی گئی ہے کہ مکمل مرمت اور فٹنس سرٹیفکیٹ کے بغیر گاڑیاں سڑکوں پر نہ لائیں۔

ڈی سی لاہور کیپٹن (ر) محمد علی اعجاز نے شہریوں سے اپیل کی ہے کہ سموگ پھیلانے والی گاڑیوں کی فوری نشاندہی کریں اور ماحول دوست شہری ہونے کا ثبوت دیتے ہوئے انتظامیہ کا ساتھ دیں۔ ان کا کہنا ہے کہ ماحولیاتی آلودگی کا باعث بننے والی گاڑیوں کو سڑکوں پر نہیں چلنے دیا جائے گا۔
شہری سموگ اور دھواں چھوڑنے والی گاڑیوں کے خلاف شکایات گرین پنجاب ایپ، ہیلپ لائن 1373 یا 1071 پر درج کروا سکتے ہیں جبکہ ٹرانسپورٹ، ٹریفک اور دیگر ایمرجنسی کی صورت میں 15 ایکسٹینشن 6 پر رابطہ کیا جا سکتا ہے۔










