پاکستان ایشیا کپ بلائنڈ ٹی ٹوئنٹی کرکٹ ٹورنامنٹ کا نیا چیمپئن بن گیا، بارش کے باعث فائنل نہ ہو سکا

لاہور(پنجاب پوسٹ)پاکستانی ٹیم ایشیا کپ بلائنڈ ٹی ٹوئنٹی کرکٹ ٹورنامنٹ کی نئی چیمپئن بن گئی ہے۔ پاکستان اور بھارت کے درمیان کھیلا جانے والا فائنل میچ مسلسل بارش کے باعث نہ ہو سکا، جس پر میچ ریفری نے پاکستان کو فاتح قرار دے دیا۔ پاکستان لیگ مرحلے میں بہترین کارکردگی کے باعث ایونٹ میں ٹاپ پر رہا تھا۔

فائنل میچ مسلسل بارش سے متاثر ہوا اور کھیل ممکن نہ ہو سکا۔ بعد ازاں میچ ریفری نے ٹورنامنٹ کے قواعد و ضوابط کے مطابق پاکستان کو فاتح قرار دیا۔
ٹورنامنٹ کے قواعد و ضوابط سات نومبر کو تمام اراکین کو بھیجے گئے تھے۔ ان قواعد کے تحت پوائنٹس، رن اوسط اور ہیڈ ٹو ہیڈ میں پاکستان بھارت سے اوپر رہا، جس کی بنیاد پر اسے چیمپئن قرار دیا گیا۔

پاکستانی ٹیم نے لیگ مرحلے کے تینوں میچوں میں کامیابی حاصل کی اور ایونٹ میں ٹاپ پوزیشن پر رہی۔ لیگ میچوں میں پاکستان نے سری لنکا، بنگلہ دیش اور بھارت کو شکست دی تھی۔

فائنل کے بعد منعقدہ تقریب کے دوران بھارتی ٹیم تقریب کا بائیکاٹ کرتے ہوئے اسٹیڈیم سے چلی گئی۔تقریب کے مہمان خصوصی ڈائریکٹر بنگلہ دیش کرکٹ بورڈ عبداللہ الفواد تھے، جنہوں نے انعامات تقسیم کیے۔ اس موقع پر ڈائریکٹر رنگپور رائیڈرز شہزاد اکبر سبحان اور پاکستانی ہائی کمشنر عمران حیدر بھی موجود تھے۔

Share this article

سبسکرائب

سبسکرائب بٹن دبا کر، آپ تصدیق کرتے ہیں کہ آپ نے ہماری پرائیویسی پالیسی پڑھ لی ہے۔

مزید خبریں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے