اوکاڑہ (پنجاب پوسٹ) پاکستان ریلوے میں انجن کے غیر قانونی استعمال کا معاملہ سامنے آگیا، ریلوے انجن میں غیر متعلقہ افراد کو بٹھا کر سفر کروانے پر حکام نے کارروائی کرتے ہوئے ٹرین ڈرائیور اور اسسٹنٹ ڈرائیور کو گرفتار کر لیا۔
تفصیلات کے مطابق اوکاڑہ ریلوے اسٹیشن پر ریلوے حکام نے انجن میں خواجہ سراؤں کو سفر کروانے کے معاملے کا نوٹس لیتے ہوئے دونوں اہلکاروں کو حراست میں لے لیا۔ ریلوے حکام کے مطابق انجن میں غیر متعلقہ افراد کو بٹھانا قواعد و ضوابط کی خلاف ورزی ہے۔ واقعے پر دونوں ملازمین کے خلاف کارروائی شروع کر دی گئی ہے۔
