لاہور (پنجاب پوسٹ) لیدر کے بتا کر نقلی جوتے فروخت کرنے پر شہری صارف نےعدالت میں ہرجانے کا دعویٰ دائر کردیا،وحدت روڈ کے رہائشی سلمان اختر نے چوبرجی شو شاپ کیخلاف درخواست دائر کی۔
وحدت روڈ کے رہائشی سلمان اختر نے موقف اختیار کیاہے کہ چوبرجی جوتے کی دکان کے مالک نے سیاہ جوتے اصل چمڑے کے بتاکر مجھ سے10ہزار روپے لئے،چیک کرانے پر جوتے غیر معیاری نکلے اور دکاندار نے بھی میری بات نہ مانی،بار بار اصرار کے باجود بھی دکاندار نے جوتے واپس کئے نہ ہی پیسے واپس کئے۔
صارف عدالت نےدرخواست گزار کو آئندہ سماعت پر جوتےعدالت میں پیش کرنے کا حکم دیاہے,عدالت نے چوبرجی شو شاپ کے مالک کو 17 نومبر کو ذاتی حیثیت میں طلب کر لیا ہے۔
