لاہور(پنجاب پوسٹ) کوٹ لکھپت پولیس نے شادی کا جھانسہ دے کر جواں سالہ لڑکی سے مبینہ زیادتی اور تشدد کے واقعے میں ملوث ملزم شہروز کو گرفتار کر لیا۔
ایس پی ماڈل ٹاؤن اسد علی کے مطابق ملزم لڑکی کو شادی کا جھانسہ دے کر 8 ماہ تک مبینہ زیادتی کا نشانہ بناتا رہا۔ متاثرہ لڑکی کی جانب سے شادی پر اصرار کرنے پر ملزم نے اسے تشدد کا نشانہ بنایا۔
پولیس نے ملزم کے خلاف مقدمہ درج کرکے کیس جینڈر سیل کے حوالے کر دیا ہے۔ ایس پی ماڈل ٹاؤن اسد علی کا کہنا ہے کہ خواتین کا استحصال کرنے والے کسی رعایت کے مستحق نہیں۔
