لاہور (پنجاب پوسٹ) پاکستان کرکٹ ٹیم ہانگ کانگ سکسز ٹورنامنٹ میں شرکت کے لیے روانہ ہو گئی ہے، جہاں قومی ٹیم کی قیادت عباس آفریدی کریں گے۔ تین روزہ ٹورنامنٹ 30 اکتوبر سے یکم نومبر تک کھیلا جائے گا، جس میں 12 ٹیمیں حصہ لیں گی۔
ٹورنامنٹ میں شریک 12 ٹیموں کو چار گروپس میں تقسیم کیا گیا ہے، پاکستان کو گروپ سی میں شامل کیا گیا ہے۔ قومی ٹیم ایونٹ میں مختصر فارمیٹ کے مقابلوں میں حصہ لے گی۔
یہ بھی پڑھیں: ایشیا کپ میں پھر پاکستان اور بھارت آمنے سامنے، دفاعی چیمپئن کے سکواڈ کا اعلان
ہانگ کانگ سکسز ٹورنامنٹ کے لیے پاکستان کے اسکواڈ میں کپتان عباس آفریدی، عبدالصمد، احمد دانیال، محمد عرفان خان، خواجہ نافع، محمد شہزاد اور سعد مسعود شامل ہیں۔ قومی ٹیم ٹورنامنٹ میں اچھی کارکردگی دکھانے کے لیے میدان میں اترے گی۔
