لاہور (پنجاب پوسٹ) رواں سال لاہور پولیس نے جوئے کے خاتمے کے خلاف کارروائیاں کرتے ہوئے 2069 ملزمان کو گرفتار کر لیا۔ شہر کے مختلف تھانوں میں 545 مقدمات درج کر لیے گئے۔
گرفتار ملزمان کے قبضے سے 83 لاکھ روپے سے زائد داو پر لگی رقم برآمد کر لی گئی۔ سی سی پی او لاہور نے جوئے کے اڈوں کے خلاف کریک ڈاؤن تیز کرنے کا حکم جاری کر دیا۔
بلال صدیق کمیانہ نے کہا کہ آن لائن جوئے کی روک تھام کیلئے جدید ٹیکنالوجی سے بھرپور مدد لی جائے اور جوئے سمیت تمام سوشل کرائمز کے خاتمے کیلئے کارروائیاں جاری رکھی جائیں۔
