لاہور(پنجاب پوسٹ)ایشین گیمز کی تیاریوں کے سلسلے میں پاکستان مینز کرکٹ ٹیم کے چار روزہ کیمپ کا کراچی میں باقاعدہ آغاز ہو گیا ہے۔
کیمپ کے پہلے روز کھلاڑیوں نے حنیف محمد ہائی پرفارمنس سنٹر میں دو گھنٹے کے سخت ٹریننگ سیشن میں حصہ لیا، جس میں انہیں کوچز مائیک ہیسن، ایشلے نوفکے اور منصور امجد کی زیرِ نگرانی مشقیں کروائی گئیں۔
یہ بھی پڑھیں:پاکستان انڈر 19 کے ہیڈ کوچ شاہد انور اور کھلاڑیوں کا چیئرمین پی سی بی سے اظہارِ تشکر
پہلے دن کے سیشن میں فیلڈنگ ڈرلز کے ساتھ ساتھ کھلاڑیوں نے نیٹس سیشن میں بھی بھرپور شرکت کی، جہاں انہوں نے اپنی بیٹنگ اور بولنگ صلاحیتوں کو نکھارنے پر توجہ مرکوز رکھی۔
واضح رہے کہ یہ چار روزہ تربیتی کیمپ 24 ستمبر کو اپنے اختتام کو پہنچے گا، جس کے بعد ٹیم ایشین گیمز کے لیے حتمی تیاریوں کی جانب گامزن ہوگی۔
