بہاولنگر (پنجاب پوسٹ) ڈونگہ بونگہ میں سیوریج کے کھلے نالے حادثات کا سبب بن گئے، نواحی علاقے میں کھلے مین ہول میں گر کر دو سالہ کمسن بچہ جاں بحق ہوگیا۔
جاں بحق بچے کی شناخت عبد الحنان کے نام سے ہوئی۔ اہلیان علاقہ کے مطابق بچہ کھیلتے ہوئے اچانک کھلے سیوریج نالے میں جاگرا۔
اہلیان علاقہ نے اپنی مدد آپ کے تحت بچے کو سیوریج نالے سے نکالا، تاہم دو سالہ عبد الحنان جانبر نہ ہوسکا۔
اہلیان علاقہ کا کہنا ہے کہ سیوریج کے یہ کھلے نالے شہریوں کے لیے خطرہ بن چکے ہیں، اگر بروقت ان نالوں کو بند نہ کیا گیا تو مزید جانی نقصان کا اندیشہ ہے۔
