فیکٹ چیک : لاہور ائیر پورٹ پر مسافر کے سامان کی تلاشی، حقائق کیا ہیں؟

لاہور(پنجاب پوسٹ) سوشل میڈیا پر وائرل ویڈیو میں دعویٰ کیا جارہا ہے کہ لاہور ائیر پورٹ پر مسافروں سے رشوت طلب کی جارہی ہے، رشوت نہ ادا کرنے پر سامان روک لیا گیا
اس حوالے سے پنجاب پوسٹ کو ائیر پورٹ حکام کی جانب سے موقف موصول ہوا ہے۔ جس کے مطابق
سوشل میڈیا پر وائرل ویڈیو 22 اپریل کی ہے۔
ایک مسافر، حافظ اسد، یو اے ای سے پرواز EK 624 کے ذریعے صبح 7:50 بجے لاہور پہنچا اور اپنے سامان میں
مختلف شیشہ فلیورز کے دو کلوگرام لے کر آیا تھا۔
حکام کے مطابق شیشہ فلیورز ممنوعہ اشیاء میں شامل ہیں اور وزارتِ تجارت کی جانب سے جاری کردہ امپورٹ پالیسی آرڈر کی نیگیٹو لسٹ میں شامل ہیں۔
پنجاب پوسٹ نے ویڈیو کا بغور مشاہدہ کیا۔ جس میں دیکھا جا سکتا ہے کہ مسافر سامان کو روکنے پر مشتعل ہو جاتا ہے اور ویڈیو بنانا شروع کر دی اور بدتمیزی کا مظاہرہ کیا۔ تاہم ویڈیو سے واضح ہے کہ کسٹمز عملہ پرسکون رہا۔
ائیر پورٹ حکام کے مطابق صرف 5 سے 10 فیصد مسافروں کے سامان کی تلاشی لی جاتی ہے جبکہ باقی گرین چینل سے گزر جاتے ہیں۔ تاہم یو اے ای سے آنے والی پروازیں ہائی رسک تصور کی جاتی ہیں کیونکہ ان میں زیادہ تعداد میں مسافر ممنوعہ یا کمرشل مقدار میں سامان لے کر آتے ہیں۔