لاہور(پنجاب پوسٹ)لاہور کی سیشن کورٹ میں ٹک ٹاکر عائشہ جٹ سے مبینہ زیادتی کے الزام میں یوٹیوبر رجب بٹ سمیت دیگر ملزمان کے خلاف دائر استغاثہ پر سماعت ہوئی۔ کیس کی سماعت ایڈیشنل سیشن جج ظفریاب چدھڑ نے کی، جہاں تمام ملزمان عدالت میں پیش ہوئے اور اپنی حاضری مکمل کروائی۔
عدالت میں سماعت کے دوران یوٹیوبر رجب بٹ پر فردِ حاضری مکمل نہ ہونے کی وجہ سے فردِ جرم عائد نہ ہوسکی۔ عدالت نے کیس کی مزید کارروائی کے لیے سماعت 19 ستمبر تک ملتوی کر دی۔
یہ بھی پڑھیں:ٹک ٹاکر عائشہ جٹ کیس:رجب بٹ سمیت ملزمان پر فردِ جرم عائد نہ ہو سکا
مقدمے میں رجب بٹ کے علاوہ سلمان حیدر، عبدالرحمان، جہانگیر اور جواد بھی ملزمان میں شامل ہیں۔ ملزمان کے خلاف تھانہ نواب ٹاؤن پولیس نے ٹک ٹاکر عائشہ جٹ کی جانب سے مبینہ زیادتی کے الزام کے تحت مقدمہ درج کر رکھا ہے۔ کیس میں آئندہ سماعت پر ملزمان پر فردِ جرم عائد کیے جانے سے متعلق کارروائی آگے بڑھنے کا امکان ہے۔
