لاہور (پنجاب پوسٹ) ہنجروال کے علاقے میں گھریلو لڑائی جھگڑے کے باعث 38 سالہ خاتون کی موت واقع ہوگئی۔ پولیس ذرائع کے مطابق متوفیہ فائزہ بابر کا اپنے شوہر سے اکثر جھگڑا رہتا تھا، جس پر شوہر نے اسے طلاق کا نوٹس بھجوا دیا تھا۔
یہ بھی پڑھیں: منچن آباد: دور جاہلیت کی واپسی؟ نومولود بچی نہر میں پھینک دی، بچی کس کی ہے؟
پولیس ذرائع کا کہنا ہے کہ طلاق کا نوٹس ملنے کے بعد خاتون نے زہریلی گولیاں کھا لیں، جس کے بعد اسے تشویشناک حالت میں ہسپتال منتقل کیا گیا، تاہم وہ جانبر نہ ہوسکی۔
پولیس نے خاتون کی لاش مردہ خانے منتقل کرکے واقعے کی قانونی کارروائی شروع کردی، جبکہ مزید تحقیقات جاری ہیں۔
