جمعیت اہلحدیث پاکستان کے زیر اہتمام آل پارٹیز سٹوڈنٹس اینڈ یوتھ سیمینار ” حرمت قرآن و استحکام پاکستان

لاہور(پنجاب پوسٹ)جمعیت اہلحدیث پاکستان کے زیر اہتمام آل پارٹیز سٹوڈنٹس اینڈ یوتھ سیمینار ” حرمت قرآن و استحکام پاکستان” کے عنوان سے منعقد ہوا۔جس میں ملک بھر سے مختلف طلباء و یوتھ تنظیموں کے مرکزی رہنماؤں نے بڑی تعداد میں شرکت کی۔ تفصیلات کے مطابق جمعیت اہلحدیث پاکستان کے مرکزی سیکرٹیریٹ قرآن و سنہ اسلامک سنٹر میں منعقد ہونے والے سیمنار سےتحریک طلباء اہلحدیث پاکستان کے چیئرمین صاحبزادہ حافظ مواحد الٰہی ظہیر، صدر حافظ اصیرم تبسم اور جنرل سیکرٹری حافظ عمیس احمد نے خطابات کرتے ہوئےحرمتِ قرآن کے تحفظ کیلئے ایک جامع مشترکہ لائحہ عمل پیش کیا۔رہنماؤں نے اپنے خطابات میں صدر جمعیت اہل حدیث ڈاکٹر علامہ ہشام الٰہی ظہیر کے خلاف سوشل میڈیا پر جاری منظم مہم کی شدید مذمت کرتے ہوئےواضح کیا کہ اس میں ملوث عناصر کے خلاف قانونی دائرہ کار میں رہتے ہوئے کارروائی کی جائے گی۔مزید برآں مقررین نے حرمین شریفین کے تحفظ کیلئےحکومت پاکستان کے کردار کو سراہتے ہوئےامن کے قیام کیلئے کی جانے والی کوششوں کو خراجِ تحسین پیش کیا۔