صفدرآباد (پنجاب پوسٹ) گاؤں عبداللہ پور میں اسلم مسیح کی بیٹی منیبہ گاؤں میں ہی طلحہ زمیندار کے گھر گھریلو ملازمہ کے طور پر کام کرتی تھی۔ طلحہ کی دادی نے اسے گھر بلایا اور کہا کہ ان کے ہاں فوتگی ہوگئی ہے اور وہ گھر سے باہر جا رہے ہیں، لہٰذا وہ گھر کا کام کر دے۔
منیبہ ان کے گھر پہنچی اکیلی موجود تھی، جہاں مبینہ طور پر طلحہ نے اسے زیادتی کا نشانہ بنایا اور تشدد بھی کیا، جس کے بعد ملزم فرار ہوگیا۔

یہ بھی پڑھیں:لاہور، مدرسے میں تاخیر سے پہنچنے پر 12 سالہ طالبعلم پر تشدد، قاری گرفتار
واقعے کے بعد متاثرہ لڑکی اسپتال منتقل
واقعے کے بعد متاثرہ لڑکی کو طبی معائنے اور ابتدائی طبی امداد کے لیے تحصیل ہیڈکوارٹر ہسپتال صفدرآباد منتقل کیا گیا۔ والد کی درخواست پر تھانہ صفدرآباد پولیس نے مقدمہ درج کرکے فوری کارروائی کی اور نامزد ملزم طلحہ کو اسلام آباد سے گرفتار کر لیا۔

قانونی تقاضے
ڈی پی او شیخوپورہ بلال ظفر شیخ نے کہا ہے کہ ملزم کے خلاف تمام قانونی تقاضے پورے کیے جائیں گے اور واقعے کی میرٹ پر تفتیش کرکے متاثرہ خاندان کو انصاف فراہم کیا جائے گا۔
















