دورانِ ڈیوٹی ٹریفک حادثے میں جاں بحق ٹریفک انسپکٹر غلام حسین اعوان کو شہید کا درجہ دے دیا گیا

لاہور(پنجاب پوسٹ)لاہور ٹریفک پولیس نے دورانِ ڈیوٹی ٹریفک حادثے میں جان کی بازی ہارنے والے ٹریفک انسپکٹر غلام حسین اعوان کو شہید قرار دے دیا ہے۔ سی ٹی او لاہور سید عبدالرحیم شیرازی کے مطابق آئندہ دورانِ ڈیوٹی جان دینے والے ٹریفک اہلکاروں کو بھی شہید کا درجہ دیا جائے گا۔

سی ٹی او لاہور نے مرحوم انسپکٹر کے اہلِ خانہ کو اپنے دفتر مدعو کیا۔ ملاقات میں ان کی بیوہ، بیٹی، تین بیٹے اور بھائی شریک ہوئے۔ سی ٹی او نے اہلِ خانہ سے تعزیت کا اظہار کیا۔

سید عبدالرحیم شیرازی نے کہا کہ غلام حسین کی قربانی محکمہ ٹریفک پولیس کے لیے باعثِ فخر ہے۔ ان کے مطابق شہداء کے خاندانوں کی دیکھ بھال محکمے کی ذمہ داری ہے اور شہید کے اہلِ خانہ سے محکمے کا رشتہ برقرار رہے گا۔

سی ٹی او لاہور نے اکاؤنٹنٹ اور انچارج ویلفیئر کو ہدایت کی کہ شہید انسپکٹر کے تمام محکمانہ واجبات فوری طور پر ادا کیے جائیں۔

سی ٹی او کے بیان کے مطابق لاہور ٹریفک پولیس میں شہدا کی تعداد اب 7 ہو گئی ہے، جبکہ گزشتہ دو دہائیوں کے دوران 104 ٹریفک افسران و اہلکار انتقال کر چکے ہیں۔

Share this article

سبسکرائب

سبسکرائب بٹن دبا کر، آپ تصدیق کرتے ہیں کہ آپ نے ہماری پرائیویسی پالیسی پڑھ لی ہے۔

مزید خبریں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے