ڈیرہ غازی خان: ٹیچنگ اسپتال میں خاتون کے ہاں 4 سال بعد بیک وقت چار بچوں کی پیدائش

ڈیرہ غازی خان ( پنجاب پوسٹ) ڈیرہ غازی خان کے ڈی جی خان ٹیچنگ ہسپتال میں ایک خاتون کے ہاں بیک وقت چار بچوں کی پیدائش ہوئی ہے۔
اسپتال انتظامیہ کے مطابق خاتون کی شادی کو چار سال ہو چکے تھے۔ پیدائش پانے والے بچوں میں دو بیٹے اور دو بیٹیاں شامل ہیں۔
لیڈی ڈاکٹرز کے مطابق بچوں کی پیدائش نارمل ڈیلیوری کے ذریعے ہوئی۔ اسپتال ذرائع کا کہنا ہے کہ زچہ اور چاروں بچے صحت مند ہیں۔
بچوں کے والد کی شناخت محبوب بڈھیانی کے نام سے ہوئی ہے، جن کا تعلق یارو کھوسہ سے بتایا جاتا ہے۔