مری ( نمائندہ پنجاب پوسٹ)محکمہ تعلیم ضلع مری نے نجی تعلیمی اداروں کی اسکروٹنی کا فیصلہ کر لیا ہے۔ ضلعی انتظامیہ نے واضح ہدایت جاری کی ہے کہ وہ تمام اسکول جو محکمہ سے رجسٹرڈ نہیں، یا جن کی رجسٹریشن کی مدت ختم ہو چکی ہے یا ختم ہونے والی ہے، وہ 30 مئی 2026 تک اپنے تمام تصدیق شدہ کاغذات ضلعی دفتر مری میں جمع کروا دیں۔
محکمہ تعلیم کا کہنا ہے کہ مقررہ تاریخ گزرنے کے بعد غیر قانونی طور پر چلنے والے اسکولوں کے خلاف بلا تفریق کارروائی کی جائے گی۔ کارروائی میں ادارے کو سیل کرنا، بھاری جرمانے اور قانونی چارہ جوئی شامل ہوگی۔
حکام نے والدین سے بھی اپیل کی ہے کہ وہ بچوں کے داخلے سے پہلے اسکول کی رجسٹریشن لازمی چیک کریں تاکہ ان کا تعلیمی سال ضائع نہ ہو۔
