لاہور (پنجاب پوسٹ) نارنگ منڈی میں کینال ویو روڈ کی تزئین و آرائش کا منصوبہ مکمل کر لیا گیا ہے، جس سے علاقے کی خوبصورتی میں نمایاں اضافہ ہوا ہے۔ منصوبہ وفاقی وزیر رانا تنویر حسین، ایم این اے رانا احمد عتیق انور کی سرپرستی اور ایم پی اے و چیئرمین اسٹینڈنگ کمیٹی برائے آبپاشی چوہدری محمد حسان ریاض کی خصوصی کاوشوں سے پایہ تکمیل تک پہنچا ہے۔ منصوبے کے بعد کینال ویو روڈ شہریوں کے لیے ایک خوبصورت اور پُرسکون تفریحی مقام بن گیا ہے۔
کینال ویو روڈ کی تزئین و آرائش کے مکمل منصوبے کے بعد راجباہ کے اطراف خوبصورت لوہے کے جنگلے، سرسبز گھاس، پودے اور دیدہ زیب لائٹس نصب کر دی گئی ہیں، جبکہ شہریوں کے بیٹھنے کے لیے بینچز بھی موجود ہیں۔تزئین و آرائش کے بعد کینال ویو روڈ کا منظر مزید دلکش ہو گیا ہے، جہاں شہریوں کو سیر و تفریح اور پُرسکون ماحول کی بہتر سہولت میسر آ رہی ہے۔ منصوبے نے نارنگ منڈی کی خوبصورتی میں بھی نمایاں اضافہ کیا ہے۔
