مری ( نمائندہ پنجاب پوسٹ ) میونسپل کارپوریشن مری نے ضلع میں قائم 29 ہاؤسنگ سوسائٹیز کو غیر قانونی قرار دیتے ہوئے ان کے خلاف بڑے کریک ڈاؤن کا آغاز کر دیا ہے۔
میونسپل کارپوریشن کی جانب سے جاری کردہ فہرست کے مطابق یہ 29 سکیمیں بغیر این او سی اور نقشہ جات کی منظوری کے کام کر رہی تھیں۔ کارپوریشن نے شہریوں کو خبردار کیا ہے کہ وہ ان غیر قانونی سوسائٹیز میں سرمایہ کاری سے گریز کریں تاکہ اپنے سرمائے سے محروم نہ ہوں۔
تمام سوسائٹی مالکان کو فوری طور پر پلاٹوں کی خرید و فروخت، بکنگ اور ترقیاتی کام بند کرنے کی ہدایت جاری کر دی گئی ہے۔ خلاف ورزی کی صورت میں قانونی کارروائی عمل میں لائی جائے گی۔
ایک مقامی سماجی شخصیت نے انتظامیہ سے مطالبہ کیا ہے کہ غیر قانونی سوسائٹیز کے خلاف آپریشن میں زمینی حقائق کو مدنظر رکھا جائے اور شفاف کارروائی کو یقینی بنایا جائے تاکہ عام شہریوں کا نقصان نہ ہو۔
کارپوریشن حکام کا کہنا ہے کہ غیر قانونی سوسائٹیز کی تفصیلی فہرست جاری کر دی گئی ھے۔
