لاہور ( پنجاب پوسٹ) منچن آباد میں ہڈی جوڑ کے مریض کے حوالے سے پنجاب پوسٹ کی خبر پر ایم ایس ڈاکٹر اظہار الحق کا ردعمل سامنے آگیا ۔
اپنے فیس بک اکاؤنٹ پر خبر شئیر کرتے ہوئے ڈاکٹر اظہار الحق کا کہنا تھا کہ میں روزانہ ہڈی جوڑ کے مریض چیک کرتا ہوں ۔ میری ایک عادت ہے۔ میں مریضوں کو ان کی مرض اور اس مسئلے سے بچنے کی احتیاطی تدابیر دس دس منٹ تک سمجھاتا ہوں ۔
اس لئے کوشش ہوتی ہے ٹی ایچ کیو منچن آباد میں دس پندرہ مریض اکٹھے دیکھے جائیں تاکہ ایک جیسے مریضوں کو اکٹھا سمجھا دیا جائے۔
ایم ایس ڈاکٹر اظہار الحق نے اپنی تحریر میں مزید لکھا کہ میں بطور ایڈمنسٹریٹر کام کرتا ہوں تو میری کوشش ہوتی ہے کہ دن میں دو گھنٹے راؤنڈ کروں ۔ دو گھنٹے مالی معاملات اور انتظامی معاملات دیکھوں اور دو گھنٹےبطور آرتھوپیڈک سرجن مریض دیکھنے کے لیے نکالوں
تاہم خبر سامنے آنے کے بعد انہوں نے نیک خواہشات اور اظہار یکجتی پر پر شہر کی عوام کا شکریہ بھی ادا کیا ۔














